Om oss

Om Søstrene Mel

Torunn Lødemel Stokkeland og Jan Terje Eidset

Om prosjektet

Initiativtakar og manusforfattar Torunn Lødemel Stokkeland, har sidan 2017 leika med ein ide om å skrive ei familieframsyning til Groparken i Hornindal. Draumen er å lage ei utandørs familieframsyning som kan spelast i kveldsskumringa på seinsommaren.

Utespelet skal innehalde både song og musikk, og Torunn har vore so heldig å få med seg Aleksander Rafevold som musikkprodusent. Eit av måla med spelet er at det skal vere ein institusjon for talentutvikling i nærmiljøet og på tvers av kommunegrensene. Prosjektet skal gje lokalsamfunnet og regionen ei anledning til å møtast på tvers av generasjonar og profesjonar, og på den måten skape nye relasjonar i høve samarbeid, utvikling og innovasjon.

Skodespelarane

Spelet skal ha med seks profesjonelle skodespelarar og tretten lokale amatørskodespelarar, pluss statistar. I tillegg vil det sjølvsagt vere mange både frivillige og profesjonelle aktørar som vil medverke i eit så stort prosjekt, der alt skal byggast opp frå «scratch».